Былтыр кәсіпорындар жұмыскерлерге 6,6 млрд теңге қарыз болған

2023 жылы мемлекеттік еңбек инспекторлары республиканың мыңнан астам кәсіпорны 28 мың жұмыскерге 6,6 млрд теңгеден астам сомаға жалақы бойынша берешек екенін анықтады, деп хабарлайды mangystaumedia.kz.

Осы кәсіпорындардың басшыларына орындалуы міндетті 1 447 нұсқама беріліп, 200,5 млн теңгеден астам сомаға айыппұл салынды.

Жалақы бойынша берешекті өтеудің қатаң кестелері мен мерзімдерін белгілеу нәтижесінде 26,2 мыңнан астам жұмыскердің құқығы қорғалды. Оларға 5,8 млрд теңге төленді, делінген Еңбек және халықты әлеуметтік қорғау министрлігі таратқан ақпаратта.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.