Нұртілеу Иманғалиұлы атындағы сыйлық тағайындалды

ҚР Парламентінің Сенаты журналистер арасындағы «Аманат» байқауына өтінімдер қабылдауды бастады. Бұл жайында Сенат төрағасы Мәулен Әшімбаев Facebook парақшасында жазды.

Байқау барысында Мемлекет басшысы қолға алған жаңғыру бағдарының іске асырылу барысын және заң шығару қызметін сараптайтын үздік материалдар анықталады.

«Биыл телевизия, баспасөз, радио және электронды БАҚ салаларына қатысты дәстүрлі жүлделерден бөлек, белгілі қазақстандық журналистер Нұртілеу Иманғалиұлы мен Михаил Дорофеевті еске алуға арналған арнайы сыйлықтар да тағайындалды», - деді Сенат төрағасы.

Айта кетейік, байқаудың шарттары мен талаптары Сенаттың ресми сайтында толық көрсетілген. Жұмыстар 19 мамыр мен 10 маусым аралығында қабылданады. Жеңімпаздардың есімдері журналистер күні қарсаңында белгілі болады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.