Келе жатқан жаңа жыл құтты болсын!
Жақсылықтың жаршысындай есігімізден аттағалы тұрған жылдан күтер үмітіміз көп.
Жаңа жылымыз әр отбасына жылулық сыйлап, еліміздің тыныштығын мәңгілік етіп, сәбилеріміздің жүзінен күлкісін қашырмасын! Бастаған ісіміз берекелі, тірлігіміз тындырымды болып, халықтың жағдайы жақсы, көңіл-күйі көтеріңкі болса деп тілеймін.
Желдей жүйткіген уақытта, қарыштап дамыған заманда еліміздің мәртебесі асқақтап, ер-азаматтарымыз абыройлы ісімен ұрпақ есінде қалып, аналарымыз ошақ отын сөндірмей, дамыған елде жүзіміз жарқын, жүрегіміз тыныш болып, бақытты ғұмыр кешейік.
Арман-тілектеріміз орындалып, әр бастаған ісіміз берекелі болғай, Алла Тағала әр отбасына несібені молынан беріп, бейбіт елде ұйқымызды тыныш еткей.
Жаңа жыл жақсы жаңалықпен табалдырығымыздан аттасын! Жыл құтты болсын!
Исмағұлова Жансая Бердімұратқызы
Маңғыстау облысының ішкі саясат басқармасының бастығының орынбасары
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
