Жаңаөзенде азық-түлік жәрмеңкесі өтті

Жаңаөзен қаласында ауыл шаруашылығы өнімдері және әлеуметтік маңызы бар азық-түлік тауарларының жәрмеңкесі өтті, деп хабарлайды mangystaumedia.kz қала әкімдігінің баспасөз қызметіне сілтеме жасап.

Жәрмеңке әлеуметтік маңызды тауарлар мен азық-түлік бағасын тұрақтандыру мақсатында ұйымдастырылды. «Жаңаөзен» сауда кешенінің алдында өткен жәрмеңкеде өнімдер 20-30 пайызға арзан сатылды.

Оған қаладағы кәсіпкерлер қатысып, ұн, қант пен жеміс-жидектерді арзан бағада ұсынды. Сондай-ақ «Баян Сұлу» өнімдері мен «Добрый» фирмасы де өз үлесін қосты.

Таңмен таласа басталған жәрмеңкеге жиналған қала тұрғындары өзіне қажетті азық-түлікті қолайлы бағамен сатып алды. Мәселен, жәрмеңкеде нан 95 теңгеден, сүт өнімдері, йогурттар 350 тг, қызанақ 300 тг, картоп 180 теңгеден сатылды. Сондай-ақ, тұрмыстық қажетті заттар да тұрғындарға арзан бағада ұсынылды.

Ұйымдастырушылардың айтуынша, жәрмеңке алдағы аптада енді тұрақты түрде бейсенбі, сенбі күндері өткізіліп тұрады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.