Маңғыстауда облыстық, қалалық, аудандық мәслихаттарға саяси партиялардан 319 кандидат тіркелді

Маңғыстауда облыстық, қалалық, аудандық мәслихатқа 4 саяси партиядан барлығы 319 кандидат тіркелді. Бұл туралы Маңғыстау облысы сайлау комиссиясының төрағасы Асқар Рзаханов мәлім етті.

Маңғыстау облысында облыстық, қалалық және аудандық мәслихаттарға 4 саяси партия үміткерлерінің 28 тізімі ұсынылды.

- «Нұр Отан» саяси партиясынан - 244 кандидат;

- «Ауыл» саяси партиясынан -13 кандидат;

- «Ақ жол» саяси партиясынан- 40 кандидат;

- «Адал» саяси партиясынан- 22 кандидат;

Облыстық мәслихатқа 4 саяси партиядан 66 кандидат, Ақтау мен Жаңаөзен қалаларының мәслихатына 3 партиядан 72 кандидат және аудандық мәслихаттарға 181 кандидат тіркелді. Партия тізімінде әйелдер мен 29 жасқа толмаған жас азаматтардың саны 131 адамды құрайды. Айта кетейік, 30 пайыздық квота сақталды. Барлық азаматтар жөнінде тиісті мемлекеттік органдардан анықтамалар алынды. Тіркеу барысында 4 азамат өздерінің өтініштері бойынша тізімнен алынды.

«Сайлау науқаны аясында облыстық сайлау комиссиясында саяси партиялардың облыстық филиалдары басшыларымен 3 отырыс өткізілді. Саяси партиялардың келісімімен желтоқсан айында облыстық сайлау комиссиясы және облыстық ішкі саясат басқармасымен бірлесіп, облыстық «Маңғыстау» телеарнасында пікірсайыс (дебат) өткізілді», - деді Асқар Рзаханов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.