Балаларға сыйлықтар таратты

Жаңа жыл қарсаңында Маңғыстау облыстық экология департаментінің қызметкерлері облыстық отбасы үлгісіндегі балалар ауылында болып, тәрбиеленушілерді құттықтап, тәттілер мен ойыншықтар тарту етті. Бұл туралы Маңғыстау облысы экология департаментінің баспасөз қызметі хабарлады.

Облыстық экология департаментінің кадр жөніндегі маманы Светлана Таурузованың айтуынша, Жаңа жыл – бұл таңғажайып мереке, мұны балалардың сенімге толы жарқыраған көздерінен байқау қиын емес.

"Біз өзара ақылдаса келе, жаңа жылдық сыйлықтарды үлестіруді жөн санадық. Балалардың көңілін көтеріп, олардың жүзінен күлкі көргіміз келді. Әрбір тәрбиеленушіні келе жатқан жаңа жыл мерекесімен құттықтай отырып, амандық-саулық тілеймін", - деді ол.

Экологтар мекеме қызметкерлері мен тәрбиеленушілерді келе жатқан 2021 жылмен құттықтап, оларға сәттілік, зор денсаулық, бақыт және армандарының орындалуына тілектестік білдірді.

Өз кезегінде балалар ауылының басшылығы экология департаментінің қызметкерлеріне мекеме тәрбиеленушілеріне деген жүрекжарды тілектерін білдіріп, көңіл бөлгені үшін алғысын жеткізді. Шара барлық санитарлық талаптарды сақтай отырып ұйымдастырылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.