Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Ақтаудағы жеміс-жидек пен көкөніс, бақша өнімдерін делдалсыз тікелей сатуға арналған 222 маусымдық сауда орындары берілді. Бұл туралы Ақтау қалалық кәсіпкерлік және өнеркәсіпті дамыту бөлімі басшысының міндетін атқарушы Нұрсейт Айладыр айтты.
Жоба мақсаты - жергілікті өнім өндірушілерге қолдау көрсетіп, тұрғындарға қолжетімді бағада алуға жағдай жасау.
«Былтыр Ақтау қаласы аумағынан көкөніс және бақша өнімдерін сатуға 148 орын бекітілді. Бүгінде 67 орынға кәсіпкерлерден ұсыныс түсті. Ақтау қаласынан 7 шаруа қожалығы, Маңғыстау ауданынан 2 шаруа қожалығы, Қарақия ауданынан 5 шаруа қожалығына берілді», деді Нұрсейт Айладыр.
Бұған дейін қала, аудан шаруаларымен жобаны түсіндіру мақсатында кездесулер ұйымдастырылды. Жиын барысында кәсіпкерлерге жобаның мақсаты туралы түсіндірді. Тұрғындар ұсыныстарын ортаға салып, өз талап-тілектерін жеткізді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.