Ақтауда күзгі маусымда 320 ағаш отырғызу жоспарланып отыр

Ақтауда күзгі маусымда 320 ағаш отырғызу жоспарланып отыр. Көшет отырғызылатын аумақтың жалпы көлемі 960 метрді құрайды. Көшеттің 160 мыңы жапырақты және 160 қылқан жапырақты. Жалпы көшеттер көктемде және күзде отырғызылады. Күзде отырғызу суық ауа райының басталуынан 15-20 күн бұрын аяқталуы керек. Ақтауда ағаш биыл қыркүйек айының ортасынан қарашаның ортасына дейін жүзеге асырылады.

Бұдан бөлек, алдағы уақытта 7 мың шаршы метр көгал егу де жоспарда тұр.

Жалпы Ақтауда 67 мыңға жуық ағаш бар. 2019 жылдар аралығында қала аумағында 1 150 дана ағаш, 3 000 дана раушан гүлдер, 12 000 дана бұталар, 218 000 дана бір жылдық гүл отырғызылды. Қалаға осы жылы тек 5 мың шаршы метр көгал егілді, орталық көшелерге бір жылдық гүлдер мен раушан гүлдері отырғызылды.Биыл жаңадан суару құбырлары шағынаудан периметрлеріне, саябақтарға, скверлер және әуежай жолына орнатылып бастады. Гүл мен газон егілген жерлерге спринклерлық, яғни жаңбырша шашыратып суару әдісі қосылды.

Бүгінгі таңда абаттандыру жұмыстары жүріп жатыр.

«Шашырата суару әдісі бойынша жасалған құбырларды тексеру жұмыстары жүріп жатыр. Жарылған жерлері түзеліп, қала аумағында құбыр жоқ жерлерге жаңасы орнатылады. Жоспар бойынша жол жиектеріне орнатуды көздеп отырмыз», деді «Қала жолдары» ЖШС басшысы Ғалымжан Серікбаев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.