Маңғыстауда коронавирус анықталған 10 адамның деректері белгілі болды

​Маңғыстау облысында бүгін COVID-19 жұқтырған тағы 10 адам тіркелді. Оның 8-і "ТеңізШевройл" мекемесінде жұмыс істейтін, Бейнеу ауданының тұрғындары. Барлығы да ер адам. Бұл туралы Маңғыстау облысының қоғамдық коммуникация орталығы хабарлады.

Бірінші науқас - 1987 жылы туған;

Екінші науқас - 1968 жылы туған;

Үшінші науқас - 1996 жылы туған;

Төртінші науқас - 1973 жылы туған;

Бесінші науқас - 1998 жылы туған;

Алтыншы науқас - 1998 жылы туған;

Жетінші науқас - 1996 жылы туған;

Сегізінші науқас - 1990 жылы туған

"ТеңізШевройл" мекемесінен келген жұмысшылардың барлығы бірден карантинге жатқызылып, олардан сынама алынды. Соңғы сегіз науқастан алынған сынама ПТР диагностикалық зерттеу нәтижелері бойынша COVID-19 диагнозы нақтыланды. Қазір олар Бейнеу аудандық ауруханасының жұқпалы аурулар бөліміне жатқызылды. Эпидемияға қарсы іс-шаралар жүргізіліп жатыр.

Ал, қалған екі науқас Ресейден келген Ақтау қаласының тұрғындары. Біреуі - 2000 жылғы 20 жасар студент. Екіншісі - 2 айлық нәресте. Егіздің сыңары. Анасы кішкентаймен бірге ауруханада ем алып жатыр. Ал, егіздің екінші сыңарынан COVID-19 анықталған жоқ. Сондықтан ол туыстарының үйінде.

Қазір екі науқас та ауруханада.

Жалпы, кеше Ресейден облыс орталығына 93 адам келді. Олар бірден үйлеріне жіберілмей, обсервациялық стационарға жатқызылды. Барлығынан COVID-19 анықтайтын сынама алынды. Екі науқастан коронавирус инфекциясы анықталды. Айта кетейік, қалған 91 адам қазір обсервацияда дәрігерлердің бақылауында.

​Бүгінгі жағдай бойынша өңірде барлығы 84 адамнан коронавирус анықталды.

Ақтауда – 22;

Жаңаөзенде – 17;

Маңғыстау ауданында – 4;

Мұнайлы ауданында – 3;

Қарақия ауданы – 29;

Бейнеу ауданы – 9;

Жазылып шыққаны – 9;

Қайтыс болған – 1.