Жаңаөзенде Ұлттық ұлан қызметкерлері ер адамды есірткі заттарымен ұстады

Жаңаөзенде Ұлттық ұланның 5548 әскери бөлімінің әскери қызметшілері өзімен бірге есірткі заттарын алып жүрген ер адамды ұстады, деп хабарлайды mangystaumedia.kz Ұлттық ұланның баспасөз қызметіне сілтеме жасап.

Қоғамдық тәртіпті және қауіпсіздікті қорғау жөніндегі қызметті атқару кезінде «Көктем» шағын ауданында әскери нарядпен тәртіп сақшыларын көргенде өзін күдікті ұстаған ер адам ұсталды.

Әскери нарядтың «Джек» атты қызметтік иті ұсталған адамның күртесінің қалтасын меңзеп көрсеткен.

Ер адамның жеке басын анықтау үшін полиция басқармасына жеткізіп, әскери наряд бастығы қатардағы жауынгер Ильяр Нұрахметов пен патрульдік қатардағы жауынгерлер Наурызбай Төлен мен Қуанар Нағашыбаев тексерген кезде учаскелік полиция инспекторының қатысуымен күртешенің қалтасынан целлофан пакетте ерекше иісі бар өсімдік тектес жасыл зат табылып, тәркіленді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.