Маңғыстауда 20 қараша күні автобустарда жол ақысы тегін болады

Кезектен тыс президент сайлауы өтетін күні, яғни 20 қарашада Ақтау қаласы мен Түпқараған және Мұнайлы ауданында автобуспен жүру тегін болады, деп хабарлайды mangystaumedia.kz Қоғамдық коммуникация орталығына сілтеме жасап.

-Қала ішінде де, ауданаралық бағыттарда да тегін жол жүру ұйымдастырылады, дейді Маңғыстау облысы жолаушылар көлігі және автомобиль жолдары басқармасының басшысы Адайбек Қалиев.

Бұл №103, №104, №105, №106, №107, Ақтау-Батыр, Ақтау-Қызыл-Төбе-2, Ақтау-Ақшұқыр, Ақтау-Сайын-Шапағатов және қалалық №2, 3, 4, 4М, 5, 7, 8 бағытындағы автобустар.

Қоғамдық көліктер бұл күні әдеттегі кесте бойынша сағат 6:00-ден 20:00-ге дейін қатынайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.