Қарақия ойпатында иттердің өлекселері табылды

Қарақия ойпатының маңында бір топ өлген иттің өлекселері жатқан видео әлеуметтік желіде таралуда,-деп хабарлайды mangystaumedia.kz.

Әлеуметтік желі қолданушыларының айтуынша, бұл жақында ғана облыстағы елді-мекендердің бірінде тал түсте атылған иттер болса керек.

- Оларды аулағаннан кейін, өлекселері өртемеген, көмбеген. Осылай жата берсе денесі шіріп, әртүрлі инфекцияларды таратуы мүмкін. Осыдан кейін иттерге панажай салуды айтудың өзі ұят. Әуелі жануарларды дұрыстап аулап, утилизация жасауды үйренсін,-деп жазды Азамат Сәрсенбаев өз парақшасында.

Әзірге Мұнайлы ауданының әкімдігі мен құқық қорғау органдарынан бұл жағдайға қатысты ақпарат түскен жоқ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.