Алаяқтар мессенджерлер арқылы жеке құжаттардың көшірмелерін сұрай бастады

Маңғыстау облысы бойынша Мемлекеттік кірістер департаменті бүгінгі күні Мемлекеттік кірістер органдарының атынан алаяқтар мессенджерлер арқылы жеке құжаттардың көшірмелерін сұрай бастаған жағдайлар жиілеп кеткенін хабарлайды.

Маңғыстау облысы бойынша Мемлекеттік кірістер департаменті бүгінгі таңда мемлекеттік кірістер органдарының атынан алаяқтар мессенджерлер арқылы жеке құжаттардың көшірмелерін сұрай бастаған жағдайлар жиілеп кеткенін хабарлайды.

Осыған орай Мемлекеттік кірістер органдары салық төлеушілердің атына осындай хабарламалар жібермейтінін хабарлаймыз. Осыған байланысты Сізден осындай бейресми дереккөздерге қырағы болуыңызды сұраймыз, өйткені құжаттар одан әрі алаяқтық мақсатта пайдаланылуы мүмкін.

Сондай-ақ, тіркелген, есептен шығарылған ЖК туралы ақпарат Қазақстан Республикасы Қаржы министрлігі Мемлекеттік кірістер комитетінің интернет-порталында орналастырылғанын хабарлаймыз kgd.gov.kz.

2017 жылғы 1 қаңтардан бастап ЖК ретінде тіркеу есебіне қою хабарлама жасау тәртібіне ауыстырылғанын қосымша хабарлаймыз, жеке тұлға мемлекеттік кіріс органына ЖК ретінде қызметтің басталғаны туралы хабарлама ұсынады.

ЖК ретінде қызметтің басталғаны туралы хабарлама электрондық тәсілмен – Қазақстан Республикасының «Е-license» электрондық лицензиялау порталы арқылы және екінші деңгейдегі банктердің мобильді қосымшасы арқылы жіберіледі.

ЖК ретінде тіркелгенін растайтын құжат «Хабарламалар тарихы» бөлімінде «Е-license» жеке кабинетінде қолжетімді ЖК ретінде қызметтің басталғаны туралы хабарлама болып табылады.

Бұл ретте «Е-license» жеке кабинетіне кіру үшін жеке тұлғаның электрондық-цифрлық қолтаңбасы арқылы сәйкестендіру қажет екенін хабарлаймыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.