Мемлекеттік қызметші - мемлекеттің айнасы, халық қызметшісі болып табылады. Мемлекеттік қызметте іскерлік этикет немесе ресми мінез – құлық нормалары деген ұғым бар. Олар өз кезегінде мемлекеттік қызметте өте маңызды рөл атқарады. Яғни, оларды қатаң сақтау мемлекеттік қызметшілердің іске байыпты қарауын және оның жоғары кәсібилігін көрсетеді.
Егер қандай да бір мемлекеттік қызметкер қоғамда жағымсыз іс-әрекетімен, оғаш қылықтарымен көзге түсетін болса, онда халықтың мемлекетке деген көзқарасына қаяу түседі.
Сондықтан елімізде мемлекеттік қызметкерлердің іскерлік этикет нормаларын сақтау тәртібі ҚР Әдеп кодексінде бекітілген. Іскерлік этикет нормалары жалпыға бірдей және оны әрбір мемлекеттік қызметші атқарып отырған қызметтік лауазымына қарамай орындауы қажет.
Іскерлік этикет нормалары мыналардан тұрады: дресс-кодты сақтау, жұмыс уақытын тиімді пайдалану, қызметкерлер арасындағы қарым-қатынас әдебі, телефонмен сөйлесу этикеті, алдына келген келушілерге деген құрмет немесе оларды мән беріп тыңдай білу және келген жұмысына сапалы жауап беру.
Сонымен қатар мемлекеттік органдардағы әдеп нормаларының сақталуы басшылыққа да тікелей байланысты. Себебі, басшының ұжымда ізгі ниетті және қызметкерлеріне тиісті жағдай жасай білуі халық пен мемлекеттік қызметшілердің табысты өзара іс – қимылының негізі болып табылады.
Мемлекеттік қызметші өзіне қоғам мен мемлекет тарапынан ерекше сенім білдіріліп үлкен жауапкершілік артылып отырғанын, нақтырақ мемлекеттік қызметкердің адамгершілігіне, оның әдебі мен моральдық бейнесіне жоғары талаптар қойылып отырғанын, сондай-ақ бұл талаптардың жыл өткен сайын күшейтілетінін түсінуі тиіс.
Маңғыстау облысы бойынша қазынашылық Департаменті
басшысының орынбасары Ж.Бердиева
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
