Жаңаөзендік оқушы Оқу-ағарту министрімен кездесті

7-9 желтоқсан күні Астана қаласында Оқу-ағарту министрі Асхат Аймағамбетовтың қатысуымен өңірлердегі балалар өкілдерінің конференциясы өтті. Шараға қатысқандардың арасында Жаңаөзен қаласы бойынша Қашаған Күржіманұлы атындағы №8 жалпы білім беретін мектептің 9 «Ә» сынып оқушысы Серік Абдулазиз бар, деп хабарлайды mangystaumedia.kz Қоғамдық коммуникация орталығына сілтеме жасап.

Конференцияда «Қазақстан Республикасындағы бала құқықтары: қорғаудың жаңа тетіктерін енгізу» тақырыбы қозғалды.

Серік Абдулазиз – оқу үздігі, осы оқу жылынан бастап мектеп президенті. «Балалардың құқықтарын қамтамасыз ету мәселелері жөніндегі балалар өкілдіктері» балалар қозғалысының мүшесі. Абдулазиздің ұстанымы - «Қай істің болсын өнуіне үш шарт бар: ең әуелі – ниет керек, одан соң – күш керек, одан соң – тәртіп керек»(М.Ә).

-Жастайынан зерек, өз-өзіне сенімді, білімге құштар шәкірттің алар асуы әлі алда, дейді оқушының ұстаздары.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.