Маңғыстау облыстық көпбейінді балалар ауруханасында 2022 жылдың қорытындысына арналған алқа мәжілісі өтті, деп хаабрлайды mangystaumedia.kz
Облыстық балалар ауруханасының бас дәрігері Гүлжан Ермекбаева 2022 жылы атқарылған жұмыстар мен алға қойған міндеттер туралы айтты.
1978 жылы іргетасы қаланған Маңғыстау облыстық балалар ауруханасы облыс бойынша балаларға жоғарғы деңгейде мамандандырылған медициналық көмек көрсететін жалғыз аурухана. Бүгінгі күні 0 мен 18 жас аралығындағы балаларға 230 бейімделген кереуеттерде стационарлық және амбулаториялық науқастарға диагностикалық көмек көрсетіп келеді. Ауруханада жылына 15 мыңға жуық бала ем алады.
Мәселен, 12 ай ішінде қабылдау бөліміне 49243 бала қаралуға келген. 16421 бала шұғыл түрде жатқызылса, амбулаторлық емге 31941 бала жолданған. Хирургиялық белсенділік бойынша 3603 балаға ота жасалған.
2022 жылы отаға қажетті бірнеше медициналық техника алынды. Олар электрохирургииялық аппарат, ультразвукты скальпель, шприцті сорғы, жас нәрестелерге арналған инкубатор, лор комбайны, электрогенератор, наркозды аппарт, тағы басқалар.
Маңғыстау облыстық көпбейінді балалар ауруханасының директоры Гүлжан Ермекбаеваның айтуынша штатпен қамтылу деңгейі дәрігерлер 81%, орта буын қызметкерлері 81%, кіші буын мамандары 93.4%, басқа да қызметкерлер 100% құрап отыр. Дегенмен дәрігер жетіспеушілігі әлі де байқалады. Яғни 6 дәрігерге деген сұраныс бар. Олар, реаниматолог, онкогематолог, нейрохирург, дәрігер-лаборант, реабилитолог дәрігер, УДЗ дәрігері. Біліктіліктерін арттыру мақсатында 2022 жылы аурухана дәрігерлері білімдерін шыңдап, алыс-жақын шет мемлекеттен келген дәрігерлермен тәжірибе алмасып, шеберлік сағаттарынан өтті.
Сондай-ақ, ауруханада өлім-жітім деңгейі көңіл көншітпей отыр. Басқарма басшысы облыс көлеміндегі аудан, қала мекемелерімен байланыс орнатып, кураторлық жұмысты күшейтіп, ауруларды жоспарлы сауықтыру бағытындағы іс шаралар жасақтауды тапсырды. Сонымен қатар диабет мектебі жұмысын кеңінен насихаттап, ата-анамен және баламен жүйелі жұмыс жасау қажет екендігін атап өтті. Бет, жақ, көз аурулары, нейрохирургиялық операция түрлерін енгізу тапсырмасы берілді. Жұмыстарды күшейтіп, нақты әрі жүйелі қызмет көрсетуді жүктеді.