Ақтаудағы өрт кезінде денесін 95% күйік алған ер адам қайтыс болды

1979 жылы туған ер адам кеше, 20 желтоқсанда қайтыс болды, деп хабарлайды mangystaumedia.kz Маңғыстау облыстық ауруханасының баспасөз қызметіне сілтеме жасап.

- Дәрігерлер науқастың өмірі үшін күресті, бірақ құтқару мүмкін болмады. Ер адам реанимация бөлімінде қайтыс болды, - деп хабарлады Маңғыстау облыстық көпсалалы ауруханасының баспасөз қызметі.

Естеріңізге сала кетейік, 14 желтоқсан күні таңертең моншада өрт болып, ер адам зардап шекті. Маңғыстау облысы ТЖД хабарлағандай, 17 шағын ауданда орналасқан №34 бес қабатты әкімшілік ғимаратында ("Loto Club") өрт болғаны жөнінде сағат 03:55-те шақыру түскен.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.