Ақтауда 14 наурыз күні Амал мерекесіне орай теңіз жағасында мәдени-спорттық іс-шаралар өтеді, деп хабарлайды mangystaumedia.kz қала әкімдігінің баспасөз қызметіне сілтеме жасап.
Амфитеатр алаңында сағат 11:00-18:00 аралығында Ақтау қаласы әкімдігінің қолдауымен «Біз спорт үшін, есірткіге қарсымыз» қоғамдық қорының ұйымдастыруымен шахмат ойыны болады. Ал 14:00-18:00 аралығында тұрғындар әр түрлі ұлттық ойындарға қатыса алады. Сағат 19:00-де Қазақстанның халық әртісі Роза Рымбаева, әнші Әли Оқапов, Мәди Рымбаев және ақтаулық өнерпаздардың мерекелік концерті өтеді.
-14 наурызда 14:00-18:00 аралығында «Амфитеатр» алаңында ұлттық ойындар ұйымдастырылады. Атап айтқанда, арқан тарту, қол күресі, мас-ристлинг (таяқ тарту), гір тасын көтеру және ләңгі ойынына барлық қала тұрғындары мен қонақтары қатыса алады. Барша қала тұрғындары мен қонақтарын ұйымдастырылатын шараларға белсенді қатысуға шақырамыз, - деді Ақтау қалалық мәдениет, дене шынықтыру және спорт бөлімі басшысының міндетін атқарушы Сара Тәңірбергенова.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
