«Маңғыстау-Медиа» ЖШС газеттеріне жазылуды ресімдеу
Ауыз су тапшылығы мәселесі облыс әкімдігінің телеграм чатындағы өзекті және ең көп көтерілген тақырып болып қала береді. Тұрғындар су қысымын көтеру үшін ауыз су пайдаланатын көлік жуу орындары мен моншаларды шектеуді ұсынып отыр, деп хабарлайды mangystaumedia.kz.
"Көлік жууға арналған орындардан жерге қаншама ауыз су төгіліп жатқанын қараңызшы. Ал қаладағы үшінші қабаттан жоғары тұратын тұрғындар айлап су көрмейді, - деп шағымданады тұрғындар.
«Облыстың прокуратурасына хабарлассақ, олар бизнеске шектеу қоюға жол бермейді.
Қалада 100 мыңға жуық көлік бар, бұл ресми мәлімет бойынша, бейресми деректер бойынша одан да көп. Олар былтыр әкімдікке көлік жуу орындарын қайта пайдалануға беру, тазарту қондырғыларын орнату туралы ұсыныс жасаған болатын. Бірақ ешкім бизнеске қысым көрсеткісі келмейді», - дейді тұрғындар.
Тұрғындар көлік жуу бекеттерінің ауыз суды пайдалануына шектеу қоюды, сондай-ақ аталған компанияларды суды қайта пайдалану үшін блокты су тазарту қондырғыларын орнатуға мәжбүрлеуді талап етіп әкімдікке жүгінуді ұсынып отыр.
Былтыр әкімдік шектеулер енгізгенімен, кәсіпкерлер прокуратураға шағымданған. Сонда ақтаулықтар бизнес мүддесін қарапайым тұрғындардың өтінішінен жоғары қойғанына наразы болған еді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
