Парламент депутаттары Маңғыстауға жұмыс сапарымен келді

©

Бүгін Маңғыстау облысының әкімі Ералы Тоғжанов ҚР Парламент депутаттарымен кездесті. Өңірге Мәжіліс депутаттары Ерлан Барлыбаев, Ирина Унжакова, Бақытгүл Хаменова, Тарас Хитуов жұмыс сапарымен келді, - деп хабарлады Маңғыстау облысы әкімінің баспасөз қызметі.

Сапардың басты мақсаты – облыстың тұрғындарын Елбасының бес әлеуметтік бастамасын түсіндіру және оны жүзеге асыру барысында атқарылған жұмыстарды баяндау.

Аймақ басшысы Ералы Тоғжанов депутаттарды облыс дамуының негізгі әлеуметтік-экономикалық көрсеткіштерімен таныстырып, алдағы нақты жоспарларды атап өтті. Сондай-ақ депутаттар шағын және орта бизнесті несиелендіретін «Нұр Капитал» бағдарламасына қызығушылық танытты.

«Сәуір айында 1% -бен несие беруді бастаймыз. Бағдарлама аясында 200-ге жуық бизнес-жоба қарастырылды. Біздің басты міндетіміз - қоғамдық сананы жаңғырту арқылы еңбек нарығын трансформациялау. Бұл аймақтағы бизнестің дамуына қуатты серпін береді. Біздің міндет - ең алдымен, жаңа өндіріс ашып, жаңа жұмыс орындарын құратын кәсіпкерлерге жеңілдетілген несие беру. ШОБ дамыту бұл Маңғыстаудың одан әрі өркендеуіне кепілдік болмақ», - деді Маңғыстау облысының әкімі Ералы Тоғжанов.

Маңғыстау облысы әкімінің баспасөз қызметі мәлімдеуінше, депутаттар жұмыс сапары барысында облыс халқымен кездесу өткізеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.