Маңғыстау облысы бойынша Мемлекеттік кірістер департаментінің "Теңіз порты" кеден бекеті өткен жылы Маңғыстау облысы арқылы "Ішкі тұтыну үшін шығару" кедендік рәсімі бойынша 24 334 жеңіл автомобиль импортталғанын айтты, деп хабарлайды mangystaumedia.kz.
Оның ішінде "Теңіз порты" кеден бекетінде кедендік ресімдеуден 9 407 авто, "Ақтау – Кедендік ресімдеу орталығы" кеден бекетінде - 14 771 авто, "Құрық" кеден бекетінде - 156 жеңіл автомобиль өтті.
"Теңіз порты" кеден бекетінде Қазақстан Республикасында кедендік рәсімдеу электрондық түрде Мемлекеттік кірістер органдарының ақпараттық жүйелері арқылы жүзеге асырылады.
Осыған байланысты сыртқы экономикалық қызметке қатысушы цифрлық қолтаңбасы арқылы тауарларға декларацияны өз бетінше кез келген жерден ұсыну және қол қою мүмкіндігі бар.
Әкелінетін автокөліктерді кедендік рәсімдеу ережелері өте қарапайым.
Импорттаушы тауарларды кедендік декларациялау кезінде оның кедендік құнын көлік құралын сатып алуға жұмсаған шығындарды, сондай-ақ оны Қазақстанға жеткізумен байланысты шығындар ретінде анықтауға міндетті (көлік шығындары, сақтандыру төлемдері және т.б).
Сондықтан көлік құралының кедендік тазарту кезінде кедендік құнын қабылдау үшін оның құны сенімді, санды түрде анықталған және құжатты түрде бекітілген ақпаратқа негізделуі керек.
Құжаттар ретінде: жөнелтуші елдің экспорттық декларациясы, шот-фактура, тауарды жеткізуге арналған көлік шығындары, сатып алушы мен сатушы арасындағы сатып алу-сату шарты, банктік аударым, аукциондық парақ және т.б. қолданылады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
