Ақтауда салынып жатқан үйлерді сатып аларда құжаттарын тексеру қажеттігі ескертіледі

Жаңадан салынып жатқан үйлерден пәтер сатып аларда, тұрғындар құрылысты жүргізіп жатқан мекемеден тиісті құжаттарын сұрау қажет, деп хабарлайды mangystaumedia.kz Ақтау қаласы әкімдігіне сілтеме бере отырып.

БІРІНШІ ҚАДАМ​ - құрылыс салушының құжаттарын міндетті түрде тексеру.

Тұрғын үй құрылысына үлестік қатысу келесідей​ 3​ тәсілдің бірі арқылы ұйымдастырылады:(«Тұрғын үй құрылысына үлестік қатысу туралы» ҚР Заңының 7-бабы)

- Бірыңғай оператордан кепілдік алу;

- екінші деңгейдегі банктің тұрғын үй құрылысын қаржыландыру туралы шешімі мен әкімдіктің үлескерлер ақшасын тартуға берген рұқсатының болуы;

- тұрғын үйдің қаңқасының тұрғызылуы және әкімдіктің үлескерлер ақшасын тартуға берген рұқсатының болуы.​

ЕКІНШІ ҚАДАМ -​ құрылыс салушымен тек ғана тұрғын үй құрылысына үлестік қатысу туралы шартын жасасу.

Тұрғын үй құрылысына үлестік қатысу туралы шарты оны әкімдікте есепке қойған кезден бастап жасалған болып есептеледі. (11-бап)

НАЗАР АУДАРЫҢЫЗ!​ Құрылыс салушылармен келесідей мәміле (шарт) түрлерін жасамаңыз:

- пәтерді сатып алу - сату туралы алдын ала шарты;

- тұрғын үй құрылысына үлескерлік қатысу туралы алдын ала шарт;

- брондау немесе қарыз шарты;

- тұрғын үй құрылысына үлестік қатысу туралы шартымен байланысты емес басқа да мәміле (шарт) түрлері.

Аталған шарт түрлерін жасаған жағдайда бұзылған құқықтарыңызды қалпына келтіру және кепілдеме алу мүмкіндігінен айырыласыз!

ҮШІНШІ ҚАДАМ​ - үлестік құрылыста орын алған қандай да бір күмәнді жағдайлар жөнінде:

- Маңғыстау облысының прокуратурасына: 42-34-10 (17);

- Ақтау қаласы әкімдігінің сәулет және қала құрылысы бөліміне: 50-47-09 хабарлаңыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.