Қоқыс полигонындағы өртке қатысты аудан әкімі түсініктеме берді

Баяндыда қоқыс полигонынан шыққан өрттің негізгі ошағы ауыздықталды. Мұнайлы және Ақтау қаласының әкімдері оқиға орнына жедел жетіп, жағдайды бақылауға алды. Бұл туралы Мұнайлы ауданының әкімі Ержан Күмісқалиев фейсбук парақшасында баяндады, - деп хабарлайды mangystaumedia.kz сайты.

"30 сәуір, сағат 1:00. Қазір жан-жақтан шығып жатқан өрттің алдын алып, айналасын топырақпен қоршалды. Мұнайлы ауданы төтенше жағдай қызметінің жеке құрамы және “Маңғыстау жылу” МКК-ның ұжымы толық жұмылдырылды. Жалпы 20 арнайы техника, сонымен қатар облыс әкімінің тапсырмасына сәйкес Ақтау қаласының әкімі де арнайы техникаларын жұмылдырды. Жағдай толық бақылауда. Адам өміріне қауіп жоқ", - деді аудан әкімі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.