Балаларды қорғау күніне орай "Көңілді старттар" спорттық сайысы өтті

Бүгін Ақтауда 1 маусым – халықаралық балаларды қорғау күніне орай Ақтау қаласындағы №2 арнайы жалпы білім беру мектебінің оқушылары және қаладағы мектепте оқымайтын ерекше балалардың қатысуымен теңіз жағалауында «Көңілді старттар» спорттық сайысы өткізілді, деп хабарлайды mangystaumedia.kz.

Аталған шараға 70-ге жуық ерекше бала шақырылып, 20 шақтысы ойынға қатысты. Мерекелік көңіл-күйден соң балаларға балмұздақтар таратылып, сыйлықтар ұсынылды.

- Мереке күнінде ерекше балаларға көтеріңкі көңіл-күй, жақсы демалыс сыйлағымыз келеді. Сайысқа қатысқан балалардың барлығына бағалы сыйлықтар дайындалды. Ата-аналарға осындай балаларды бағып отырғанына алғыс айтамыз. Осы сайысты ұйымдастырып отырған өңірдегі үкіметтік емес ұйымдар. Атап айтсақ, «Маңғыстау облыстық ерекше тұлғалардың дене шынықтыру және спорт федерациясы», «Қамқор-Ақтау жастары», «Саламатты Ел», «Маңғыстау әуендері», «Рада-Ақтау» және «Азаматтық құқық» қоғамдық қорлары таңертеңнен бері шараға қатысып, өз үлестерін қосуда, - деді «Маңғыстау облыстық ерекше тұлғалардың дене шынықтыру және спорт федерациясы» қоғамдық бірлестігінің директоры Маңдайлы Ыстыбайқызы.

Шалқар АБЫЛОВА,

Суреттерді түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.