Маңғыстаулық кеденшілер Түркиядан келген контрабандалық ірі жүкті анықтады

Бұл туралы mangystaumedia.kz сайты ҚР Қаржы министрлігінің Мемлекеттік кірістер комитетінің баспасөз қызметіне сілтеме жасап.

Баспасөз қызметінің мәліметтеріне қарағанда, «Құрық» кеден бекетінің қызметкерлері Маңғыстау көлік прокуратурасымен бірлесіп, Еуразиялық экономикалық одақ шекарасы арқылы ірі көлемде контрабандалық тауар алып өту фактісін анықтады.

Контрабандалық жүк тиелген екі ауыр жүк көлігі Түркиядан «Құрық» теңіз портына келді. Тауарға ілеспе құжаттарға сәйкес, тауарды түрік өндірушілері Өзбекстан мен Қырғызстан азаматтарының атына жіберген.

Селективті бақылау және тәуекелдерді басқару жүйесінің көмегімен, сондай-ақ ірі габаритті жүктер мен көлік құралдарының ішіндегісінің бейнесін алу және талдау үшін иондалған сәуле шашатын техникалық құралдың көмегімен алынған тексеріс нәтижесінен кейін, тасымалданып бара жатқан жүкті қосымша кедендік тексеру жөнінде шешім қабылданған. Оның барысында құжатта көрсетілген тауардан бөлек, халық тұтынатын өзге де тауарлар бары белгілі болды.

Дұрыс декларацияланбаған тауарлар мен декларацияланбаған тауарлардың жалпы кедендік құны - 187,2 млн. теңгені құраса, бюджетке төленуге тиісті кедендік төлемдер мен салықтар – 80,7 млн. теңге болды.

Кемітіп көрсеткен тауарларды қосқанда жалпы жарияланған тауар салмағы – 34,5 тоннаны құраса, жарияланғанбаған тауар салмағы - 5,9 тоннадан асады. Кемітіп көрсеткен тауарлардың ішінде аяқ киім, әйелдер орамалдары, жейделер мен басқа да киімдер бар. Одан бөлек, жарияланғанбаған тауардың ішінде күртелер, көйлектер, киім жиынтықтары және т.б. бар екені анықталды.

«Контрабандалық жолмен жеткізілмек болған тауардың саны жүзден астам жүк орнын құраған. Материалдар Маңғыстау облысы бойынша Экономикалық тергеу департаментіне процессуалдық шешім қабылдау үшін жолданды»,-делінген Қаржы министрлігінің Мемлекеттік кірістер комитетінің баспасөз қызметі таратқан мәліметтерде.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.