Облыста колледждің 1 курс студенттері қалай оқиды

Екінші семестрден бастап техникалық және кәсіптік білім беру ұйымдарының 1 курс студенттері аралас оқуға көшеді. Енді оқытудың 70%-ы дәстүрлі, 30%-ы қашықтан оқыту форматында өтеді, - деп хабарлайды mangystaumedia.kz сайты.

Облыста 1 курс студентінің саны 5 757 болса, оның 3 512 студенті дәстүрлі форматта білім алады. Яғни дәстүрлі форматта білім беру ата-аналардың өтінішіне сәйкес орындалып отыр.

«1 курс студенттері үшін оқу процесі аралас оқыту форматы бойынша өтеді. Яғни дәрістер мен семинарлар – онлайн, ал зертханалық және практикалық сабақтар санитарлық режимді сақтай отырып күндізгі форматта ұйымдастырылады. Сабақ ұзақтығы – 45 минут. Сыйымдылығы 50%-дан аспайтын аудиторияларда өткізіледі», - дейді Маңғыстау облысы білім басқармасы басшысының міндетін атқарушы Гүлмира Мамаева.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.