Ақтауда «Жыр алыбы - Жамбыл» республикалық жас ақындар айтысының облыстық кезеңі өтті, деп хабарлайды mangystaumedia.kz ҚКО-на сілтеме жасап.
Айтыстың мақсаты - оқушылар арасында Жамбыл Жабаевтың шығармаларын насихаттау, ақындық қабілетін айқындап, табиғи дарынын дамыту, суырыпсалма айтыс өнерін жандандыру.
Айтыс тақырыптық және қайым айтыс номинациясы бойынша өтті. Рухани шараға 5 ақын қатысып, өзара бақ сынады. Жарыс қорытындысы бойынша бас жүлдені Ақтау қаласындағы «Дарын» облыстық мектеп-интернатының 10 - сынып оқушысы Байжігіт Бейбіт пен Қарақия аудандық № 3 жалпы білім беретін мектептің 10 - сынып оқушысы Сәрсен Әли иеленді.
І орынды Жаңаөзен қаласы, № 7 жалпы білім беретін мектептің 10 - сынып оқушысы Базылбек Серікбол алды. Ал ІІ орын Мұнайлы ауданы, № 11 жалпы білім беретін мектептің 10 - сынып оқушысы Атамурадов Айшуаққа бұйырды. ІІІ орынды Ақтау қаласы, № 8 жалпы білім беретін мектептің 8 - сынып оқушысы Борис Зәмзәм қанжығасына байлады.
Айтыс жүлдегерлері Маңғыстау облысы білім басқармасының дипломдарымен марапатталды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
