Ақтауда №2 автобустың жүру бағытына өзгеріс енгізілді
[ 2019 ] 29 қаңтар, 06:58 | Жаңалықтар
Ақтау қаласындағы №2 маршруттың жүру бағытына өзгеріс енгізілді. Бұл жайында Ақтау қаласының әкімдігі мәлімдеді, - деп хабарлайды mangystaumedia.kz сайты.
Өзгеріс 32 В "Шаңырақ" шағынауданы тұрғындарының өтінішімен енгізілген.
Бұрын №2 автобус 32-ші шағынауданнан өтіп, 31 және 31 «Б» шағынауданның арасымен жүретін еді. Шығыс шағынауданына қарай бұрылып, "Жерұйық" мейрамханасынан Сары базарға дейін баратын. Ал қазір №2 қоғамдық көлік Мемлекеттік кірістер департаменті алдымен өтіп 32В "Шаңырақ" шағынауданын қамтып, бұрынғы бағытына қайта түседі. Енді 32В "Шаңырақ" шағынауданның тұрғындары да №2 автобусқа міне алады.
Біз мән-жайды білу үшін Ақтау қалалық жолаушылар көлігі және автомобиль жолдары бөліміне хабарластық.
«Бұрын №2 маршрут барып, келу айналымы 37 шақырым еді, қазір тек 2 шақырым қосылды. Бұрын 16 автобус болған, қазір жол жүру бағытының өзгеруіне байланысты қосымша 1 автобус қосылды. Автобус қосылғанға дейін жұмыс күндері жүру аралығы 8 минут, ал қазір 6-8 минут болды. Ал демалыс күндері күндері автобустың жүру аралығы 8-10 минут болып отыр», - дейді қалалық жолаушылар көлігі және автомбиль жолдары бөлімінің қызметкері Жалғас Мейилов.
Ақкенже БЕРКЕНОВА
Суретті түсірген Талант ҚҰСАЙЫН
918
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
