Бала туу жөнінен Маңғыстау облысы елімізде көш бастап тұр

Қазақстан өңірлерінің ішінде туудың ең жоғары деңгейі Маңғыстау облысында байқалып отыр. Бұл туралы ҚазАқпарат ҰЭМ баспасөз қызметіне сілтеме жасап хабарлайды.

Статистика комитетінің хабарлауына қарағанда, Қазақстан өңірлерінің ішінде 2017 жылы туудың ең жоғары деңгейі Маңғыстау облысында (1000 тұрғынға шаққанда 29,74 туғандар), Астана қаласында (28,23) және Оңтүстік Қазақстан облысында (27,20) байқалды. Ең төменгі көрсеткіш Солтүстік Қазақстан (13,17), Павлодар (15,91) және Шығыс Қазақстан (15,98) облыстарында тіркелген.

«Туудың жалпы коэффициенті 1000 адамға 2017 жылы 21,64 туғандарды құрады, қалалық мекендерде - 21,94 (2007ж. - 21,27), ауылдық мекендерде - 21,22 (2007ж. - 20,25) құрады. Елдің өңірлері бойынша ең жоғары туудың жиынтық коэффициенті Маңғыстау (3,78), Оңтүстік Қазақстан (3,62) облыстарында, ал ең төмен деңгейлері Алматы қаласы (1,67) мен Қостанай (1,73) облысында байқалды», - делінген комитеттің хабарламасында.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.