"Маңғыстау облысында 2600 cтудентке жатақхана қажет"

©

Оның ішінде колледж студенттері үшін – 1600, Есенов университеті студенттері үшін – 1000 орын қажет. Мәселені шешу мақсатында Ақтау және Жаңаөзен қалаларынан мемлекеттік-жекешелік әріптестік бойынша және инвесторлар қаржысы есебінен құрылыс салу қарастырылып жатыр. Бұл жөнінде Білім басқармасы мамандарының қатысуымен Өңірлік Коммуникациялар қызметінде өткен брифингте мәлім болды.

-Мемлекет басшысы 5 әлеуметтік бастамасында студенттерді толықтай жатақханамен қамтамасыз ету жөнінде тапсырма берген еді. Қазір облысымызда 1392 орынды құрайтын 5 жатақхана бар. Қосымша 2600 орындық жатақхана салуды қажет етеді. Оның ішінде кәсіптік-техникалық білім беру ұйымдарына – 4, жоғары оқу орындарына – 2 жатақхана қажет. Қазіргі таңда олардың құрылысына арналған учаскелер анықталды. Біз оған дейін мәселені жедел шешу бағытында дайын ғимараттарды сатып алу жолдарын қарастырып жатырмыз, - дейді  Маңғыстау облыстық Білім басқармасы басшысының міндетін атқарушы Нұрлыбек Қойжанов.

Басқарма өкілі 2600 орындық жатақхананы 2018-2020 жылдар аралығында толықтай қамтамасыз ету жоспарланғанын жеткізді.

Теңге БЕКМҰРЗАЕВА

Суретті түсірген Серік МАЙЕМЕРОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.