Ақтаулық дуэт «Бозторғай» фестивалінде Гран-при иеленді
[ 2017 ] 1 маусым, 09:29 | Жаңалықтар
Халықаралық «Бозторғай» фестивалі 30 мамыр мен 1 маусым аралығында Алматы қаласында өтті. Онда қаламыздың «Радуга» балалар шығармашылық студиясында тәлім алатын Екатерина Ганюшкина мен Карина Шайгузова Гран-При жүлдесін жеңіп алды.
19-рет өткізіліп отырған фестивальде Ақтау қаласының намысын төрт өнерпаз қорғады. Катя мен Каринадан бөлек 10 жасар Бекарыс Асхат пен 9 жасар Әсия Мұсағалиева бар.
Әсия өз жас категориясында екінші орынды иеленді.
Қазылар алқасында еліміздің өнер майталмандары, мәдениет қайраткерлері болып, жас дарындардың шығармашылығына баға берді.
-Сайыстың алғашқы күні Карина мен Катя «Обернитесь» әнін орындады. Өте жақсы орындап, қазылардан бірыңғай «10» деген баға алды. Екінші күні «Мёрси» әнін шырқады. Бұл кезеңде де ондықтарды қоржынға салып, Гран-При қанжығалады, - дейді Каринаның анасы Румия.
Ақтаулық жас өнерпаздарды сайысқа студия мұғалімдері – Нұргүл Медербекова мен Ольга Хныкина дайындады.
Айта кетейік, «Бозторғай» фестиваліне әртүрлі елден келген 6 жастан 18 жасқа дейінгі балалар қатысады. Олар вокал, халық әндері, хореография, сән театры номинациялары бойынша бақ сынайды.
Теңге БЕКМҰРЗАЕВА
Суреттер алынды
807
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
