Жұмыс орнында ұрлық жасаған тұрғынға қатысты қылмыстық іс қаралды

Ақтау қалалық сотында Д-ға қатысты ҚР КК-нің 24-бабының 3-бөлігі, 188-бабының 1-бөлігімен қылмыстық іс қаралды. Бұл туралы Ақтау қалалық сотының баспасөз қызметі хабарлады.

Сотта анықталғандай, Д. «Rixos water world» қонақ үйінің жұмысшысы бола тұра, «Aktau Tourism City Ltd» ЖШС-не тиесілі бағасы 35 836 теңге тұратын «Tefal» электрошәйнегін, 35 197 теңгелік 12 дана «hisar» шанышқыларын, 35 197 теңге тұратын 12 дана «WMF Hotel» күректерін, бағасы 7100 теңге тұратын 2 дана «Дары Поволжья» 5 литрлік күнбағыс майын жасырын түрде ұрламақшы болған. Нәтижесінде, Д. өзінің қылмыстық құқық бұзушылық әрекетімен жәбірленуші «Aktau Tourism City Ltd» ЖШС-не 113 332 теңге материалдық шығын келтірген.

Алайда, оны мекеме күзетшілері ұстаған.

Басты сот талқылауында сотталушы мен жәбірленуші бір-бірімен ымыраға келіп татуласуына байланысты қылмыстық іс медиация тәртібімен тоқтатылған.

Қылмыстық іс медиация тәртібімен сотталушының жәбірленушімен татуласуына және жәбірленушіге келтірілген зиян есесін толтыруына байланысты тоқтатылып, сотталушы қылмыстық жауапкершіліктен босатылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.