Рахат ауылында 300 орындық мәдениет үйі салынып жатыр

Мәдениет үйі «Ауыл – ел бесігі» арнайы жоба аясында салынып жатыр. Қазіргі таңда бірінші қабаттың құрылысы аяқталды. Бұл туралы «Жаңаөзен қалалық құрылыс бөлімі» мемлекеттік мекемесінің басшысы Қанатбек Гафаров мәлімдеді, - деп хабарлайды mangystaumedia.kz сайты.

«Рахат ауылындағы мәдениет үйдің құрылысы қарқынды жүріп жатыр. Қабатаралық жабындысы салынып, екінші қабаттың тас қалау жұмыстары басталды. Жалпы көлемі – 3473 м². Мәдениет үйінде кітапхана мен 40 адамға арналған оқырман залы болады. Бұл дегеніміз ауыл жастарының бос уақытты тиімді пайдалануына өз септігін тигізеді», - деді Қанатбек Гафаров.

Айта кетейік, 300 орындық мәдениет үйі 2021 жылдың көктемінде пайдалануға беріледі деп жоспарланып отыр. Бұл 43 мыңнан аса тұрғыны бар елді мекендегі алғашқы мәдени көпшілік нысан болмақ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.