Ақтауда карантин кезінде жұмыс істеп тұрған сауна анықталды

Карантин енгізілгеннен бері Маңғыстау полицейлері шектеу шараларын бұзу фактілерін анықтау бойынша рейдтер жүргізуде, – деп хабарлайды mangystaumedia.kz.

3 тамыз сағат 20.00-де осындай іс-шаралар барысында Маңғыстау облысы ПД Криминалдық полиция басқармасының жедел қызметкерлері Ақтау қаласының 29 шағын ауданында жұмыс жасап тұрған “Арай” саунасын анықтады. Полиция қызметкерлері мекеме иесін жауапқа тартты.

ҚР ӘҚБтК-нің 425-бабы бойынша әкімшілік хаттама жасалды. Материал Маңғыстау облысының санитарлық-эпидемиологиялық қадағалау департаментіне жіберілді.

Маңғыстау облысы Полиция департаментінің бастығы Жанарбек Бақтыбаев барлық азаматтарды карантин ережелерін бұзбауға, шектеу шараларын сақтауға шақырады.

Polisia.kz.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.