Бүгін – Халықаралық музей күні

Бүгін – Халықаралық музей күні. Халықаралық музейлер кеңесі бұл атаулы күнді 1977 жылы Бас конференциясында бекіткен. Аталған датаға орай 1997 жылы тұңғыш рет «Музей түні» шарасы Берлин қаласында өткізілді.

Халықаралық музейлер кеңесін дүниежүзінің музей ісі мамандары 1946 жылы құрған. Ұйымның мақсаты – табиғи және мәдени жәдігерлерді сақтай отырып, өткен мен келешекті байланыстыру, халықтар арасында өткен заманның мұраларын танымал ету.

1992 жылдан бастап атаулы мереке музей саласына қатысты белгілі бір тақырыппен өтеді. Бұл саланың негізгі мәселелерінің бірі – музей құндылықтарын заңсыз шығару. Осындай проблемалардың алдын алу үшін қоғамда тарихи құндылықтарды бағалай білерлік мәдениет қалыптастыруда мерекенің маңызы зор.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.