Маңғыстауда тағы 9 адамнан коронавирус инфекциясы анықталды

​Маңғыстау облысында COVID-19 жұқтырған тағы 9 адам тіркелді. Жаңаөзен қаласында – 3 және Қарақия ауданы Бостан ауылында – 6 адам. Барлығы да осыған дейін тіркелген науқастармен байланыста болған. Санитарлық дәрігерлердің айтуынша, тоғызынан да алынған сынама ПТР диагностикалық зерттеу нәтижелері бойынша COVID-19 диагнозы нақтыланды, делінген МО ҚКО таратқан ақпаратта.

​Бірінші науқас – Жаңаөзен қаласының тұрғыны, 6 жасар қыз бала.

​Екінші науқас – Жаңаөзен қаласының тұрғыны, 13 жастағы ұл бала.

​Үшінші науқас - Жаңаөзен қаласының тұрғыны, 14 жастағы қыз бала.

​Төртінші науқас – 1977 жылғы әйел адам, Қарақия ауданы, Бостан ауылының тұрғыны.

​Бесінші науқас – 1987 жылғы әйел адам, Қарақия ауданы, Бостан ауылының тұрғыны.

​Алтыншы, жетінші науқас – 2006 және 2012 жылғы ұл балалар. Екеуі де Қарақия ауданы, Бостан ауылының тұрғындары.

​Сегізінші, тоғызыншы науқас – 5 жасар ұл бала және 2019 жылғы ұл бала. Екеуі де Қарақия ауданы, Бостан ауылының тұрғындары.

​Науқастармен байланыста болған барлық тұлға карантинге алынды. Ауру ошақтарында дезинфекциялық жұмыстар жүргізіліп, эпидемияға қарсы іс-шаралар жалғасуда.

​04.05.2020 ж. жағдай бойынша өңірде барлығы 74 адамнан COVID-19 вирусы анықталды:

Ақтауда – 20;

Жаңаөзенде – 17;

Маңғыстау ауданында – 4;

Мұнайлы ауданында – 3;

Қарақия ауданы – 29;

Бейнеу ауданы - 1;

Жазылып шыққаны – 9;

Қайтыс болған – 1.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.