Маңғыстау облысында коронавирус жұқтырған тағы 2 адам анықталды

Біріншісі - 1987 жылғы Бейнеу ауданының тұрғыны. Ол «Теңіз» мекемесінде жұмыс істейді. 29 сәуір күні ауданға келе сала тұрғыннан коронавирусты анықтайтын сынама алынған болатын. ПТР диагностикалық зерттеу нәтижелері бойынша COVID-19 диагнозы нақтыланды.

Ал, екінші науқас – 7 жасар бала. Жаңаөзен қаласының тұрғыны. Ол коронавирустық инфекция жұқтырған адамдармен қарым-қатынаста болуына байланысты карантиндік стационарға жатқызылып, зертханалық сынама алынған. ПТР диагностикалық зерттеу нәтижелері бойынша COVID-19 диагнозы нақтыланды.

Ауру ошақтарында дезинфекциялық жұмыстар жүргізілді. Эпидемияға қарсы іс-шаралар қолға алынған.

30.04.2020 ж. жағдай бойынша өңірде барлығы 48 адамнан COVID-19 вирусы анықталды.

Ақтауда – 18

Жаңаөзенде – 7

Маңғыстау ауданында – 4

Мұнайлы ауданында – 3

Қарақия ауданы – 15

Бейнеу ауданы - 1

Жазылып шыққаны – 8

Қайтыс болған – 1

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.