«Ерлік даңқы – мәңгілік» шығармашылық байқауы өтеді

Маңғыстау облысының жастар ресурстық орталығы Жеңістің 75 жылдығы қарсаңында «Ерлік даңқы – мәңгілік» шығармашылық байқауына қатысуға шақырады.

Мақсаты – жастар арасында қайсар қарияларымыздың сұрапыл соғыс пен тыл майданындағы өшпес ерлігі мен өлшеусіз даңқын, халқымыздың шексіз қаһармандығы мен мұқалмас қажыр-қайратын насихаттау

Байқау шарттары:

1) Байқауға 14 – 35 жас аралығындағы Маңғыстау облысының тұрғындары қатыса алады;

2) Пост жазуда жанрлық шектеу қойылмайды. Әңгіме, эссе, өлең-жыр түрінде болуы да мүмкін.

3) Пост (өлең-жыр, эссе, әңгіме) мазмұнында Жеңістің 75 жылдығы, майдангерлеріміздің батырлығы, бейбітшілік пен тұрақтылық маңыздылығы баяндалуы керек.

4) Автор постты (өлең-жыр, эссе, әңгіме) Facebook немесе Instagram жеке парақшасында @mangystau_zhastary парақшасы мен #МаңғыстауЖастарыЖырлайды және #ЕрлікДаңқыМәңгілік хэштегін белгілеп орналастыруы керек.

5) Парақшасына жариялағаннан кейін mangystau_resurs@mail.ru пошта жәшігіне шығарманы жіберуі қажет.

Байқауды өткізу тәртібі:

1) 28 сәуір мен 7 мамыр аралығы - байқауға қатысу үшін жұмыстарды қабылдау;

2) 9 мамыр - ҮЕҰ, БАҚ өкілдері, қоғам қайраткерлерінен құрылған тәуелсіз комиссия байқау жеңімпаздарын анықтайды;

3) Жеңімпаздарды марапаттау 9 мамыр күні Instagram әлеуметтік желісінде @mangystau_zhastary парақшасында өтеді.

Байқау марапаты:

Маңғыстау облысының жастар ресурстық орталығының естелік сыйлығы және демеуші ұсынған қаржылай сыйлық:

І орын – 50.000 теңге

ІІ орын – 30.000 теңге

ІІІ орын – 20.000 теңге

Айта кету керек, ұйымдастырушылар конкурсқа қатысушылардың материалдарын жариялау құқығын өзіне қалдырады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.