Қазақ тілінің жаңа эволюциялық кезеңі

2017 жылдың 12 сәуірінде Қазақстан Президенті Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласы жария болды. Президент мақаласы жария болысымен қоғамдық пікір талқысына түсіп жатыр. Президент мақаласындағы бастамаларды қолдау, оны өз саламызда орындау баршамыздың міндетіміз.

30 дамыған елдің қатарына қосыламыз деген талпынысымыз бар. Қала мен дала арасын жақындату, Президент мақаласындағы бастамаларды қолдау, оны өз саламызда орындау әрқайсымыздың міндетіміз. Сондықтан да рухани жаңғыру дер кезінде көтерілген мәселе деп ойлаймын. Сонымен қатар, латын әліпбиіне көшу мәселесін қолдай­ты­нымды білдіремін. Өйткені күн сайын дамып жатқан ғылым, технология мен коммуникацияны, инновацияның тілін меңгеруде латын әліпбиінің рөлі айрықша.

Нұрсұлтан Әбішұлы Назарбаевтың «Болашаққа бағдар: рухани жаңғыру» мақаласы адамзат да­муы­ның қазіргідей күрделі кезеңінде ұлт болып ұйысу­дың, жұрт болып жұмылудың жаңа үлгілерін ұсы­натын жаңа тарихи құжат. Жаһанданудың жаңа жағ­дайында ұлт болып қалыптасудың сыры мен сипатын жан-жақты талдай отырып, ХХІ ғасырдағы ұлттық сананы өрістетудің сара жолдарын ұсынады.

Соныменқатар, Елбасы атап көрсеткендей, әлемнің дамыған елдерінің тәжірибесін алға тарта отырып, бәсеке­лестікке барынша бейім ұрпақ өсіріп, оларды күрескер етіп тәрбиелеу қажет. Демек, ұлт пен ұрпақ деген проблемада сананы уақыт талабына сай бейімдеген жөн. Ал, бұл мәңгілік ел үшін тарихи қа­жеттілік. Ағылшын әліпбиінің негізінде латын қар­піне көшу – қазақ тілінің жаңа эвалюциялық кезеңі болып табылады және оның жан-жақ­ты артықшылығы бай­қа­ла­ды. Біріншіден, бізді жа­һандық ағыл­­шын тілді әлем­ге біріктіре отырып, ағылшын тілін жаппай үй­ренуге қо­лайлы жағ­дай туғызады. Екіншіден, ғы­лым мен тех­ника­ның ең замануи же­тіс­тіктерінің қол­же­тім­ділігі үшін жаңа мүм­­кін­діктер ашады. Үшін­­­шіден, әлем­­нің қы­рық­тан аса елдерінде тұра­тын барлық қазақтарды біріктіреді. Латын қарпіне көше отырып, қазіргі за­манғы қа­зақ тілі бәсе­кеге қа­бі­леттірек болады. Ол өз дамуы мен танымал­дығында жаңа серпін алады. Латын әліп­биіне көшу – біздің еліміз үшін маңызды мәселе және Қазақ­станның әр­бір аза­ма­ты­ның ерікті қатысуын талап етеді. Біз Қазақстан тәуелсіздік жылдары өткен бірегей тарихи жолды, жалпыұлттық бірлік пен қоғамдық келісім, халықтың рухани күші, оның уақыт талаптарын қа­былдап, тек алға жүру қабілеті біздің мемле­кетіміздің жетістігінің айқын­даушы факторы болған және болашақта да бола беретініне нық сенеміз. Латын әліпбиіне көшуді де солай қабыл­дай­тынымызға да сенім білдіремін. Қазақ­станның бо­лашақ ұрпағы үшін Елба­сының Бастамасын қол­дауға барша түпқараған­дық­тарды шақы­рамын.

Гүлсім РАМАШЕВА,

 «Түпқараған аудандық Азаматтық бастама»

қоғамдық бірлестігінің төрайымы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.