Елордалық әкімдіктің ведомствоға бағынышты ұйымы — «Астана конвершн бюро» ЖШС-інің директоры Санияр Айтекенов ЭКСПО-2017 халықаралық көрмесінің алғашқы үш күнінің нәтижесін жариялады.

Оның айтуынша, көрме ашылған күннен 13 маусымға дейінгі аралықта көрмеге 88 мың 300 адам келген. Көші-қон полициясында 1970 қонақ келгендігі тіркелді. Өңірлерден көрмені тамашалауға 6 200 бала келді. Қонақүйлерге 27 мыңнан астам адам орналасқан. Қонақүйлер 81%-ға, хостелдер 25%-ға толған. Қоғамдық көліктер 2,6 млн жолаушы тасымалдаған.  Бұдан өзге, көрме аясында «жасыл» экономиканың дамуына инвестиция тартылды.

«Қытай Қазақстандағы жел генераторлары парктеріне 70 миллиард теңге инвестиция құяды», — деп жазды Айтекенов өзінің Фейсбуктегі парақшасында.

«Қазатомпром» Ұлттық компаниясы мен әлемдік атом саласындағы жетекші компаниялар — Cameco Corporation, Uranium One Inc., CGN және AREVA — арасында өзара меморандум жасалды. «ҚазМұнайГаз» ҰҚ» АҚ және CNPC Шымкент мұнай өңдеу зауытын жаңғырту және ҚХР-ына газ экспорттау бойынша бірқатар келісімдерге қол қойды. Сондай-ақ, тараптар 2017-2018 жылдарға «ҚазМұнайГаздың» Қытайға табиғи газ жеткізу мүмкіндіктерін талқылап, 5 миллиард шаршы метр көлеміндегі Қазақстан газын ҚХР-ына экспорттаудың сатып алу-сату шарттарына қол қойылды.

«Экспо-2017 көрмесіне жұмсалған қаражат — 400 миллиард теңгеден асады (шамамен 1 млрд. 300 миллион доллар)», — деп түйді сөзін Санияр Айтекенов.

Дерееөз: inform.kz

ПІКІР ҚАЛДЫРУ

Пікір жолын бос қалдырмаңыз!
Аты жөніңізді жазыңыз