экспо

Маңғыстау облыстық жастар ресурстық орталығы, жастар жобалары мен шығармашылық бөлімінің басшысы Фазылбек Абылай Фазылбекұлы:

  • ЭКСПО 2017 Халықаралық мамандандырылған көрмесіне еріктілер қалай іріктелініп алынды?

ЭКСПО 2017 Халықаралық мамандандырылған көрмесінің еріктілері, осы 2016 жылдың қазан айынан бастап іріктелді. Олар арнайы ағылшын тілі емтиханынан, психолог мамандарының емтиханынан өтіп, іріктелініп алынды. Одан бөлек еріктілер 3 тілді білуі тиіс деген талап қойылды. Қазақ, орыс тілдерін еркін ағылшын тілдерін сөйлесу көлемінде.  Бірақ біз оданда жоғары  талап қойып,  сөйлесу көлемінен жоғары деңгейдегілерді іріктеп алдық.  Біздің облыстың атынан баратын еріктілер қатарында  3 тілден бөлек, қытай, жапон, үнді, француз тілін білетін еріктілер бар.

Басында 150 ерікті іріктелініп алынды.Одан кейін белгілі себептермен, жұмыстармен бас тартқан еріктілер болды. Астана халықаралық мамандандырылған көрмесінің ұйымдастырушылар тарапынанда біздің еріктілердің санын кемітіп, 60 аймақ болғаннан кейін, ең соңында 50 ерікті іріктелініп алынды.

Еріктілер 1 шілдемен 31 шілде аралығында қызмет ететін болады.

  • Ерікті жастардың демеушілері кім?

Белгілі бір мекеме мемлекеттік сатып алу барлық шығынын  Маңғыстау облысы жастар ресурсы орталығы жол шығынын Мемлекеттік сатып алу бойынша ойындар ойнатты. Оны белгілі бір мекеме ұтып алып, қазіргі кезде сол мекемемен жұмыс жасаудамыз. Барлық билеттерді алып берді. 1шілде күні жолға шығып 3 шілде күні Астана қаласында боламыз. Негізгі жұмысымыз 10 шілде басталады. Оған дейін  арнайы оқып, практикалық жұмыстардан өтіп болғаннан кейін 10 шілде жұмысымызды бастап, 30 шілде барлық жұмысымызды аяқтап, 31 шілде Ақтау қаласына жолға шығатын боламыз.

  • ЭКСПО-ны Маңғыстау облысына насихаттау мақсатында қандай шаралар жүргізілді немесе жүргізіліп жатыр?

ЭКСПО-ны Маңғыстау облысына насихаттау жұмыстары көптеп жүргізіліп жатыр. « Тойота центр»  автосалонымен бірлесіп , автошеру ұйымдастырылды.  Ақтау қаласындағы сауда үйлеріне, теңіз жағалауларына барып, қала тұрғындарына арнайы ЭКСПО туралы сауалнамалар жүргізіліп, сұрақтар қойылып, ойындар ойнатылды. 5 сұрақ қойылды, сол сұрақтардың барлығына дұрыс жауап бергендерге ЭКСПО-ның  билеттері тегін таратылды. Және осы шараға белсенді қатысқан, яғни толық жауап бере алмаған  қала тұрғындарына  «Kcell» ұялы байланыс центрінің брелоктары табысталды. Сонымен қатар, қала тұрғындарына арнай брошюралар, күнтізбелер, қалта күнтізбелері таратылып, насихат жұмыстары жүргізілді. Дәл сондай насихат жұмыстары әуежайда,  халықаралық рейспен келген жолаушыларға «Домбыра»  өнер колледжімен бірлесе отырып ұйысдастырылған домбыра-пати болды. Осы жолаушыларға да ЭКСПО жайында сұрақтар қойылып, тегін билеттер таратылып, ойындар ойнатылды.  Сонымен қатар, еріктілердің қатысуымен әуежай жолында көктем мезгілінде ағаштар отырғызылды.  Жалпы, барлық шарашалға қатысып жатыр. Айта берсек көп.

  • ЭКСПО көрмесінде еріктілер қандай қызмет атқарады?

ЭКСПО көрмесі 3 ауысымнан тұрады. Маңғыстау облысы соның екінші ауысымында. Біздің облыспен бірге  Қызылорда облысы барады. 2 ауысымның өзі 3 кезекке бөлінеді.  Күндізгі, кешкі және түнгі. Түнгі кезекте Маңғыстау облысының еріктілер қызмет атқармайды.  Оған арнайы құрылған мамандар жұмыс жасайтын болады.  Маңғыстау облысынан баратын еріктілер күндізгі және кешкі кезеңдерде жұмыс жасайды.  Осы уақыт аралығында 16 функция бойынша қызмет атқаратын боламыз. Олар:  автотұрақта, билет тексеру, қауіпсіздік, мәдени іс шаралар, ЭКСПО қалашығындағы  қонақтарға көмек көрсету, сол сияқты функцияналды бағытта жұмыс атқаратын болады. Сәуір және мамыр айларында 16сағаттық арнайы қандай бағытта жұмыс жасайтынымыз туралы  сабақтар өткізілді. Бұл сабақтар біткеннен кейін арнайы Астана қаласынан мамандар келіп ауызша  түсіндіріп, арнайы тест алып, нәтижелерін көрді. Сондай-ақ,  Астана қаласына барған кезде арнайы формалар беріледі.  2 фудболка, 2 шалбар, бас киімдері, арнайы қол шатыры, сөмкесі болады. Еріктілерді Л. Н. Гумилев атындағы Еуразия ұлттық университетінің жатақханасына орналастырады. Тамақпен қамтамасыз етіледі.

  • Қазіргі таңда еріктілер ЭКСПО көрмесіне қалай дайындалып жатыр?

Еріктілерге  осы « Арман» жастар үйінен арнайы  кабинет бөлінген.  Сол жерде барлығы ағылшын тілінде спекинг клаб өткізеді. Бір- бірімен пікір алмасып, ағылшын тілдерін толықтыруады.

  • Көрмеге баратын еріктілердің ата-аналары қарсы болған жоқ па?

Ата-аналары қарсы болған жоқ. Себебі, біз ата-аналары мен келісім шартқа отырдық және еріктілердің өзіменде арнайы келісім шарқа отырдық.

  • Еріктілерден бөлек тағы кімдер барады?

Еріктілер міндетті түрде 18 жасқа толу керек. Сол себепті Маңғыстау облысынан баратын еріктілердің жас мөлшері 18 бен 29 жаста. Бірақ  Астана қаласында  ата-анасының келісімімен 16жастан бастап алынып жатыр.  Ал басқа аймақтардан келетін еріктілер міндетті түрде 18 жасқа толу керек деген талап қойылды. Еріктілер қатарында әр түрлі маман салары бар, студенттер бар. Барлығы 50 ерікті және 2 жауаты тұлға. Біреуі Маңғыстау облысы  жастар ресурсы орталығынан және Ақтау қалалық жастар орталығынан мамандар барады және денсаулық сақтау басқармасына хат жазып бір дәрігер маманды өзімізбен бірге алып баратын боламыз.

Тағы бір айтатын жәйт, осы еріктілерді шығарып салу теңіз жағасында ұйымдастырылу жоспарда бар Бірақ, қай күні екені белгісіз.

ПІКІР ҚАЛДЫРУ

Пікір жолын бос қалдырмаңыз!
Аты жөніңізді жазыңыз