Серікбай Трұмов

ҚР Президенті Қасым-Жомарт Тоқаевтың 2019 жылғы 13 маусымдағы № 10 жарлығымен Маңғыстау облысының әкімі болып Серікбай Өтелгенұлы Трұмов тағайындалды. Серікбай Трұмовты облыс активіне ҚР Президенті Әкімшілігінің Басшысы Бақытжан Сағынтаев таныстырды, — деп хабарлайды mangystaumedia.kz сайты.

Серікбай Трұмов

Серікбай Трұмов 1964 жылы маусымда Маңғыстау облысы Түпқараған ауданы Форт-Шевченко қаласында дүниеге келген. 1992 жылы В. Ленин атындағы Қазақ политехникалық институтты инженер-құрылысшы мамандығы бойынша тәмамдаған.

Еңбек жолын 1981 жылы «Мангышлаксельстрой-12» трестінің №1206 учаскесінде бетонщик қызметінен бастаған.

1983-1985 жылдары әскери міндетін өтеді.

1985- 1986 жылдар аралығында — бетонщик, «Мангышлаксельстрой-12» тресінің №1206 учаскесінің жүргізушісі болып еңбек етті.

1986-1990 жылдары – «Мангышлаксельстрой-12» трестінің құрылыс механизациясы мен көлік басқармасының жүргізушісі қызметтерін атқарды.

1994 жылы Маңғыстау облысы Форт-Шевченко қаласының ОӨК автокөлікті жабдықтау бойынша оқытушы болып еңбек етті.

1994- 1995 жылдары – Түпқараған аудандық мәслихатының бас маманы.

1995 -2004 жылдары – «Түпқараған» ЖШС жетекші инженері, директоры қызметтерін атқарды.

2004 – 2006 жылдары – Маңғыстау облысы Түпқараған ауданының әкімі.

2006-2008 жылдары – Маңғыстау облысы әкімінің орынбасары.

2008-2012 жылдары — Түпқараған ауданының әкімі.

2012 жылдың ақпан айынан 2015 жылға дейін — Жаңаөзен қаласының әкімі.

2015 жылдың шілде айынан бастап 2017 жылдың қазанына дейін Ақтау қаласының әкімі болып қызмет етті.

2017 жылдың қарашасынан бері Маңғыстау облыстық мәслихатының хатшысы қызметін атқарып келді.

Суреттер мен видеоны түсірген Талант ҚҰСАЙЫН